Rritja e pagave më 2010 nuk është vërejtuar fare

Enti Federal zviceran për Statistika thotë se kjo nuk kishte ndodhur në dhjetëvjetëshin e fundit

Enti Federal zviceran për Statistika raporton se gjatë vitit 2010 ka pasur rritje rrogash në Zvicër, që nuk është vërejtur fare, e që kjo nuk kishte ndodhur në dhjetëvjetëshin e fundit.

Sipas Entit Federal të Statistikave, rritja e pagave prej 0,8 për qind gjatë vitit 2010 ishte vetëm 0,1 për qind për shkak të inflacionit, i cili këtë vit kishte mbërritur në 0,7 për qind, transmetojnë agjensitë e lajmeve.

Në vitet 2008 dhe 2009 pagat kishin shënuar rritje prej 2 dhe 2.1 për qind. Sipas Zyrës Federale të Statistikave janë dy faktorë që kanë ndikuar në këtë gjendje, pasojat e krizës ekonomike, të cilat kanë filluar gjatë vitit 2009 dhe inflacioni i cili kishte shënuar rënie.

Në të njëjtën gjendje pothuajse janë të gjithë sektorët e ekonomisë, me disa përjashtime, industria e tekstilit me 0,2 për qind dhe ajo e tregtisë automobilistike me 0,3 për qind, që ishin edhe më keq. Në sektorin bankar kishte rritje të ndjeshme pagash me 1.5 për qind.