Rritet kriminaliteti në Graubünden

(KEYSTONE/Christian Beutler)

Kriminaliteti në kantonin Graubünden ka shënuar rritje gjatë vitit 2025.

Sipas statistikave të policisë kantonale, janë regjistruar gjithsej 13,235 raste penale, krahasuar me 12,599 në vitin 2024, duke treguar një rritje të përgjithshme të kriminalitetit, transmeton albinfo.ch.

Rritja më e theksuar është vërejtur te krimet e dhunshme, të cilat janë shtuar me rreth 23%, si dhe te veprat penale të lidhura me drogën dhe krimin kibernetik.

Në veçanti, rastet e përdhunimit janë rritur nga 6 në 16, ndërsa shkeljet që lidhen me narkotikët janë rritur me 24%, duke arritur në 894 raste.

Po ashtu, edhe krimi digjital ka shënuar rritje, me një shtim prej rreth 14% dhe mbi 1,200 raste të regjistruara.