Rreziku për mpiksje gjaku nga AstraZeneca ‘i ngjashëm’ me Pfizer

CDC @cdc

Numri i pacientëve që zhvilluan mpiksje të gjakut pas marrjes së vaksinës AstraZeneca, ishte i “ngjashëm” me ata që kishin marrë Pfizer, sipas një studimi të fundit.

Një skuadër studiuesish në Spanjë, Mbretërinë e Bashkuar dhe Holandë kanë krahasuar të dhënat e mbledhura nga 1.3 milionë qytetarë të vaksinuar kundër COVID-19 në Katalunia, duke kërkuar për prova të zhvillimit të mpiksjeve të gjakut pasi ata ishin vaksinuar.

Një tjetër zbulim i rëndësishëm ishte se njerëzit që ishin infektuar me COVID-19, formuan mpiksje të gjakut shumë më shpesh se ata që ishin vaksinuar ose me Pfizer ose me AstraZeneca.

Një tjetër zbulim i studimit të ekspertëve në Barcelonë ishte se norma e atyre që zhvilluan çrregullimin e njohur si Trombo-Embolia e Venave (VTE) – një kombinimi i trombozës së venave të thella me embolinë pulmonare – ishte 1.3 herë më e lartë tek ata që kishin marrë vaksinën AstraZeneca ose Pfizer, në krahasim me njerëzit e pavaksinuar.

Ajo që ishte edhe më e habitshme sipas studimit të financuar nga EMA ishte se normat e VTE-së ishin 8 herë më të larta tek njerëzit që kishin kaluar COVID-19.

Tromboza e venave të thella është një çrregullim që ndodh kur mpiksjet e gjakut formohen në venat e thella të trupit, përgjithësisht në krah, këmbë apo në ije. Ndërsa emoblia pulmonare ndodh kur tromboza apo mpiksja e gjakut shkëputet dhe udhëton për në mushkëri me anë të sistemit të qarkullimit të gjakut, duke bllokuar një pjesë ose të gjithë furnizimin me gjak, gjë që mund të ketë pasoja fatale për pacientin./euronews