Rita Ora ngushëllon Kosovën për tragjedinë e KEK-ut

“Zemra ime është e thyer në një milion pjesë. Kosova ime”, shkruan ajo në Facebook

Super ylli i muzikës botërore, londinezja me rrënjë nga Kosova, Rita Ora bashkëndjen me Kosovën. Pas tragjedisë që ndodhi dy ditë më parë në Obiliq, ajo nuk ka mundur të qëndrojë indiferente. Kështu, Rita ka shprehur pëmes facebook-ut ndjenjat e saj, në gjuhën angleze 

Ajo dëshiron shumë që t’i thotë të gjitha në shqip, por thotë se nuk mundet.

“Më vjen keq për këtë! Zemra ime është atje me ato familje të cilët i kanë humbur të dashurit e tyre në një mënyrë aq tragjike. Qëndroni të fortë dhe ata u prehshin në paqe. Zoti i bekoftë familjet e tyre dhe ju dhentë atyre forcë për të cilën kanë nevojë në këto momente!! Ju dua”, ishin fjalët e Rita Orës.