Rikthehen viruset te fëmijët

Ilustrim, Pixabay

Shumë të mitur në mbylljet me disa faza gjatë pandemisë së Coronës nuk u sëmurën nga sëmundjet tipike të fëmijëve, si fruthi, shkruan DW.

Mirëpo, po vërehet një efekt i vonshëm, thotë Winfried Plötze, drejtues i sigurimeve shëndetësore.

Dimri i shkuar tregoi se shumë klinika fëmijësh në Gjermani mbërritën në kufirin e kapaciteteve të tyre për shkak të dyndjes së pacientëve të mitur të sëmurë.

Gjatë pandemisë pati rënie më të madhe të sëmundjes së fruthit për fëmijët. Përqindja e infeksionit në vitin 2021 për fëmijët deri në moshën 14 vjeç ishte rreth 92% më e ulët se në vitin 2019.

Edhe sëmundje të tjera karakteristike për të miturit, si lija e dhenve apo zgjebës, shënuan një rënie të madhe, përcjell albinfo.ch.

Ndërkohë shifrat e të sëmurëve me fruth, sipas, Plötze, kanë shënuar këto muaj shifra rekord.

“Sistemi imunitar e ka humbur aftësinë e kundërverprimit ndaj disa viruseve”, thekson Plötze, i cili këshillon prindërit të vaksinojnë plotësisht fëmijët e tyre, sipas rekomandimit të Komisionit të Përhershëm, STIKO.

Sipas ekspertit shëndetësor, nëse ndodh të ketë një pandemi tjetër, politika duhet të mendojë se si duhet vepruar me fëmijët. Duhet verifikuar, nëse përfitimi nga mbyllja është më i madh apo pasojat negative të mbylljes së shkollave dhe masat e izolimit janë më të rëndat për fëmijët, shkruan DW.