Gjuha
Rifillon mësimi plotësues në gjuhën shqipe në kantonin Ticino
Pas një ndërprejeje disavjeçare, rifilloi dje mësimi plotësues në gjuhën shqipe në kantonin, Ticino. Kjo u bë e mundur falë angazhimit të nënave shqiptare, të udhëhequra nga zonja Lindita Osmani (kryetare e shoqatës Swiss Albanian Women për kantonin Ticino), e cila ishte edhe vetë nxënëse e shkollës shqipe në të kaluarën, transmeton albinfo.ch.
Në ceremoninë e rihapjes së shkollës shqipe, të shtunën prindërit, bashkë me fëmijët e tyre iu drejtuan shkollës së qytetit Bellinzona, ku grupi i nënave shqiptare kishin bërë të gjitha përgatitjet e nevojshme për rifillimin e mësimit.
Osmani falënderoi nënat shqiptare për përkrahjen e dhënë për hapjen e shkollës shqipe dhe rikujtoi kohën kur ajo ishte nxënëse e shkollës shqipe. Një moment shumë domethënës ishte kur zonja Osmani ftoi ish-mësuesin e saj, zotin Hazbi Gubetini, të cilit i dorëzoi një mirënjohje për kontributin e tij të dhënë në të kaluarën.
Nga ana tjetër, mësuesi Gubetini theksoi se kjo ditë për te është e paharrueshme dhe shumë e rëndësishme për fëmijët tanë që po rriten në mërgim. U rikujtuan edhe mësuesit dhe aktivistët, të cilët e mbajtën gjallë shkollën shqipe në të kaluarën, siç ishin Nexhat Ibrahimi, Mustafë Kryeziu etj., kurse me një fjalë përshëndetëse të pranishmëve iu drejtua edhe kryetari i LAPSH për Zvicër, Nexhat Maloku, i cili i përgëzoi organizatorët dhe prindërit shqiptarë. Ai u uroi fëmijëve suksese në shkollën shqipe. Pas pjesës festive, mësuesja Melihate Durmishi i ftoi nxënësit për të filluar mësimin. Prindërit e pranishëm u zotuan për të përkrahur shkollën shqipe dhe për të hapur edhe klasë të tjera në kanton.
Nga LAPSH «N. Frashëri» Zvicër/Albinfo.ch
E-Diaspora
-
Klesta Krasniqi zgjedhet këshilltare komunale në Lausanne Shqiptarja Klesta Krasniqi është zgjedhur këshilltare komunale në Lausanne me grupin e partisë PLR.Les Libéraux-Radicaux Lausanne....
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
-
Marigona do të ngjitet në skenën prestigjioze të operës në Frankfurt
-
Konsulli i Kosovës në Cyrih thirrje bashkatdhetarëve për regjistrim
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri