Lajme

Riaktivizohet vullkani Etna, mbyllet aeroporti i Catanias

E hënë, 14 Gusht 2023 - 15:00 albinfo.ch

Vullkani shpërthyes Etna është riaktivizuar, gjë që ka shkaktuar mbylljen e aeroportit të Catania-s deri në orët e mesditës, shkruan TopChannel, përcjell albinfo.ch.

Sipas njoftimit, udhëtarët tek sektorët e hapësirës ajrore C1 dhe B3 do të qëndrojnë të mbyllur dhe se të gjitha mbërritjet dhe nisjet janë të ndaluara. Pasagjerëve iu kërkua po kështu të paraqiten në aeroport vetëm pasi të konsultohen me kompanitë ajrore me të cilat kanë zgjedhur të fluturojnë.
Observatori i Institutit Kombëtar të Gjeofizikës dhe Vullkanologjisë ka paralajmëruar që mbrëmjen e djeshme rizgjimin e vullkanit më të lartë në Evropë,  duke sqaruar se amplituda mesatare e lëkundjes vullkanike kishte shfaqur një rritje të menjëhershme në pasdite, e pas rreth 20 minutash kishte mbërritur një nivel të tillë vlerash që përbën shqetësim për Sicilinë.

Vullkani me lartësi 3300 metra shpërthen disa herë në vit me zhurmë të madhe, e duke lëshuar llavë, por pa shkaktuar dëme. Për herë të fundit  Etna pati një shpërthim të fuqishëm madhor vullkanik në vitin 1992.

 Të ngjashme

Valdrin Gashi, një kosovar në skenat italiane të operës

 Të tjera nga Lajme

Carney nga Strasburgu: Kanadaja dhe Evropa duhet të afrohen më shumë

 E-Diaspora

 Jeta në Austri