Reuters: Negociatat e Shqipërisë, në “dorë” të Francës

Meqenëse Holanda ka dalë kundër hapjes së negociatave BE – Shqipëri, agjencia ndërkombëtare e lajmeve Reuters ka shkruar se çdo gjë është në dorë të presidentit të Francës, Emmanuel Macron.

Duke qenë se Gjermani është e bindur për hapjen e negociatave me Shqipërinë, me 9 kushte për të plotësuar, Holanda ishte skeptike  për arritjet e Shqipërisë në luftën kundër korrupsionit. Fati i integrimit të Shqipërisë drejt Bashkimit Evropian duket se do të jetë në dorë të vendimit të Francës.

Sipas Reuters, Maqedonia e Veriut ka një ‘Po’ dhe mbetet e pandryshuar, ndërkohë që nuk jepet një datë e caktuar për konferencën e parë ndërqeveritare me Shqipërinë.

Po ashtu Reuters shkruan se nëse ministrat e BE-së nuk arrijnë një marrëveshje, kancelarja gjermane, Angela Merkel, mund të kërkojë ndihmë nga Macron për të arritur kompromisin, përcjell albinfo.ch.