Futboll

Renditja e re nga FIFA: Këto janë pozitat e Zvicrës, Shqipërisë dhe Kosovës

E enjte, 7 Shkurt 2019 - 13:40 albinfo.ch
(KEYSTONE/Alexandra Wey)

Është publikuar renditja më e re nga FIFA për muajin janar, ku nuk kishte ndeshje në Evropë dhe Amerikë.

Zvicra edhe më tutje ndodhet në vendin e tetë, duke mos ndryshuar pozicion, shkruan albinfo.ch.

Edhe pse nuk ka zhvilluar asnjë ndeshje që nga klasifikimi i fundit, Shqipëria ka humbur një vend, duke zbritur në pozitën e 61-të. Kjo për shkak të suksesit historik të Katarit.

Kombëtarja nga gadishulli arabik arriti të fitojë Kupën e Azisë, duke u ngjitur plot 38 vende, duke parakaluar kështu Shqipërinë.

Ndërkohë, ndryshe nga kuqezinjtë, Kosova është ngritur me 1 vend, duke u pozicionuar në vendin e 130-të.

“Dardanët” janë ngritur falë humbjes së pikëve të Turkmenistanit që ka zbritur nëntë vende pas ndeshjeve të Kupës së Azisë.

 Të ngjashme

Privilegj apo sfidë? Një brez mes rrënjëve dhe horizonteve të reja

 Të tjera nga Futboll

Si do ta menaxhojë Zvicra dëmtimin në gju të Johan Manzambi-t?

 E-Diaspora

 Jeta në Austri