Lajme
Rekord: 2 milionë e 500 mijë veta në “Züri-Fäscht”
Ndër qindra atraksionet që ka ofruar ky edicion i festës, më së shumti kurreshtjen e vizitorëve e kanë tërhequr spektaklet e ndryshme si “baleti në ajër” i 150 dronëve ndriçues, avioparada e aeroplanëve ushtarakë etj.
Festa më e madhe popullore në Zvicër, “Züri-Fäscht” që mbahet një herë në katër vjet, pas tri ditëve të bujshme e plot zhurmë, është në përfundim e sipër. Sipas organizatorëve të saj, rreth 2 milionë e 500 mijë veta kanë vizituar këtë festë sivjet.
Ndër qindra atraksionet që ka ofruar ky edicion i festës, më së shumti kurreshtjen e vizitorëve e kanë tërhequr spektaklet e ndryshme, si “baleti në ajër” i 150 dronëve ndriçues, avio parada e aeroplanëve ushtarakë të Zvicrës dhe ndezja tradicionale e fishekzjarrëve mbi Liqenin e Cyrihut, e shoqëruar nga muzika, shkruan albinfo.ch.
Me një prani kaq të madhe të vizitorëve dhe pjesëmarrësve, faktori i sigurisë ka një peshë shumë të madhe. Kështu, mund të konsierohet sukses fakti se gjatë tri ditëve nuk është regjistruar asnjë aksident ose ekses që vlen të përmendet. Siguria ka qenë në nivel të lartë dhe siç e konfirmon edhe Policia e Qytetit të Cyrihut, festa ka rrjedhur në mënyrë paqësore.
Siç ndodh zakonisht në festat e mëdha, shfrytëzimi i mjeteve të transportit publik edhe kësaj here ka qenë në shkallë shumë të lartë. Për t`i shërbyer një mase të tillë njerëzisht, SBB ka angazhuar 600 trena specialë. Ndërsa ndërmarrjet e transportit publik të Cyrihut kanë ofruar më shumë se 3000 lidhje plotësuese me tramvajë dhe autobusë.
Me mijëra stenda që ofronin ushqime nga të katër anët e botës, qindra skena mobile me muzikë sipas shijeve të të gjithëve dhe kilometra të tëra rrugësh të stërmbushura me njerëz me disponim festiv: kjo ka qenë pasqyra e festës më të madhe (jo vetëm) në Zvicër, Züri-Fäscht
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?