Integrimi
Azilantët ballkanikë porosisin mallra luksoze dhe nuk i paguajnë
Shuma e plotë e porosive të dërguara në vetëm një qendër azili (dhe të papaguara), ka qenë 181.188.75 euro.
Nga qershori 2014 deri në qershorin e vitit 2015 kompania e njohur e shitjes online “Zalando” ka dërguar nga Berlini 962 paketa me këpucë, veshje dhe valixhe në një adresë të vetme, në qendrën e pranimit të azilkërkuesve në nivel të landit, në Lebach. Shuma e plotë e porosive të dërguara në atë qendër (dhe të papaguara), ka qenë 181.188.75 euro.
Vetëm pak javë më parë, kjo kompani e cila në vitin 2014 ka pasur një qarkullim prej 2.2 miliard eurosh ka ushtruar kallëzim penal me bazë dyshimin për mashtrim, shkruan “Handelsblatt”.
Porositë janë bërë para fillimit të fluksit të refugjatëve të luftës nga Siria, Eritrea dhe Iraku. Sipas hetimeve të bëra, fjala është për porosi që në të shumtën e rasteve i kanë bërë azilkërkuesit me status të refuzuar nga Shqipëria, Kosova dhe Bosnjë e Hercegovina.
Policia ka konstatuar se 365 porosi me vlerën prej 68.554.85 euro janë bërë nga 41 të persona të fajësuar, të cilët vazhdojnë të banojnë në Lebach. Ndërsa mallra me çmimin e përbashkët prej 50 mijë euro kanë porositur dhe i kanë marrë pa i paguar 59 azilkërkues të tjerë të cilët tashmë janë kthyer në vendet e prejardhjes. Po ashtu besohet se shumë nga porositë janë bërë nën adresa të rrejshme. Kështu, për 136 pranues të artikujve të përmendur ose për 335 paketa nuk janë gjetur shënime në regjistrin e paraqitjes.
Mbetet e hapur pyetja për arsyen e ushtrimit të kallëzimit penal pas rreth një viti. Por një zëdhënës i Zalando-s ka deklaruar se kompania po punon në vazhdimësi në përmirësimin e sistemit të sigurisë.
Të ngjashme
Të tjera nga Integrimi
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja