Maqedonia
Reagon Taravari: Plumbat nuk e ndalin ndryshimin
Kryetari i Aleancës për Shqiptarët, Arben Taravari, ka reaguar për plumbin e gjetur sot në oborrin e shtëpisë së tij.
Në një postim në Facebook, Taravari e ka quajtur këtë mesazh mafioz. Por, ai ka thënë se nuk ndjehet i frikësuar nga kërcënimet dhe se ndryshimin që po vjen nuk mund ta ndalojë asgjë, raporton Albinfo.ch.
“Forcat e policisë të shtetit ishin sot në shtëpinë time, ashtu si e keni parë nga mediat, sepse aty është gjetur një plumb që është lëshuar me mesazh të qartë kërcënues mafioz. Më vjen keq për familjen time dhe sidomos për nënën time, e cila e ka përjetuar veçanërisht keq këtë situatë”, ka shkruar ai.
Tutje, Taravari ka thënë se i vjen keq për ata politikanë që tregojnë se argumenti i tyre për të heshtur zërin e dikujt janë plumbat.
“Plumba që më kujtojnë Italinë e viteve 1992, ku mafia e vrau gjykatësin e famshëm, Xhovani Falkone…Por, për kaq më vjen keq…këtu mbaron keqardhja ime dhe Filon Gëzimi Im, sepse kuptoj se ata që e mbanin peng këtë vend, janë në dëshpërimin e humbjes. Është në hall të madh kushdo që i mbaron fjala dhe i mbetet vetëm plumbi”, ka thënë tutje ai.
Më tej, ai ka edhe një porosi.
“Kujtdo që e ka lëshu atë plumb, i them se edhe sikur artileri të rëndë të lëshoni, NDRYSHIMI KA FILLUAR DHE NUK KA ASGJË QË E NDAL! Ju mund të më vrisni mua, dhe kjo do të ishte një humbje e madhe për familjen time dhe më vjen keq që këtë po e lexojnë edhe fëmijët e mi…por ju do të vrisnit vetëm një njeri, por çfarë do t’u bëni mijëra, qindramijrave e miliona njerëzve që tashmë janë çuar në këmbë?’ Ju nuk mund të heshtni, vrisni, ndaloni Një Popull!”, ka shkuar Taravari në Facebook./Albinfo.ch
Të tjera nga Maqedonia
E-Diaspora
-
Kurti sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë