Raportohet numër i lartë rakunësh në kufirin me Zvicrën

Kjo kafshë konsiderohet hajdute dhe e dëmshme në Zvicër

Sipas raporteve të ndryshme të dëshmitarëve okularë, grupe rakunësh janë grumbulluar në anën gjermane të kufirit dhe pritet që të futen në territorin zviceran, përcjell albinfo.ch.

“Ato janë vërtet kafshë hajdute dhe të dëmshme,” shkruan gazeta Zürcher Unterländer, duke shtuar se rojet janë të shqetësuar se nuk do të jenë në gjendje “ta marrin situatën nën kontroll”.

Kafshët me gëzof mund të duken të lezetshme dhe të padëmshme, por ato mund të shkaktojnë shumë dëme në infrastrukturë – për shembull, në shtëpi kur folezojnë ose jetojnë në çati, dhe “ato gjithashtu shumohen shpejt,” tha gazeta.

 

---