Rama tregon për projektin e madh nga TAP

Kryeministri i Shqipërisë, Edi Rama e ka nisur javën duke treguar për projektin e rëndësishëm ndërkombëtar të gazit natyror që përfshinë edhe Shqipërinë, projektin TAP.

Rama përmes disa fotove që poston në profilin e tij në rrjetet sociale tregon se si po ecin punimet dhe deri ku kanë arritur deri më tani, përcjell albinfo.ch.

“MIRËMËNGJES dhe me këto foto të punimeve për ndërtimin e gazsjellësit TAP që po vijojnë në zonën malore të Skraparit dhe në pikën më të lartë ku kalon tubacioni, ju uroj një ditë të mbarë”, shkruan kryeministri shqiptar në “Facebook”.

Trans Adriatic Pipeline (TAP) është një projekt tubacioni gazi natyror që do të transportojë gaz nga rajoni i Kaspikut nëpërmjet Greqisë dhe Shqipërisë dhe përtej Detit Adriatik, në Italinë e Jugut dhe më tej në Evropën Perëndimore.