Rama nga Londra godet opozitën: Nxitën akte antishqiptare në tokë të huaj

Fjalën e tij para diasporës në Londër, kryeministri i Shqipërisë, Edi Rama, e nisi duke kërkuar ndjesë për protestuesit para sallës, ku po mbahet takimi dhe tha se kjo ndasi e vjetër është drejt fundit. Ai akuzoi Partinë Demokratike se nxit të tilla akte antishqiptare në tokë të huaj.

“Ndjesë për një grusht të verbërish atje te dera që të verbrit në Tiranë kishin marrë me vete librin e shtëpisë sonë dhe bërtisnin aty përballë. Megjithatë me keqardhje, por pa asnjë dyshim me vetëdijen që edhe ata janë pjesë e familjes sonë të madhe, unë kam besim se kjo ndasi e vjetër është drejt fundit të saj. Këtu erdhi për takim partia tjetër që nxit të tilla akte antishqiptare në tokë të huaj dhe kishin çuar një ftes për ambasadorin tonë se ishte i gatshëm të shkonte në takim, pastaj ata nuk u bënë më të gjallë”, tha ai.