Rama: Krenari për flamurin e Skënderbeut në oborrin e Evropës

Kryeministri i Shqipërisë, Edi Rama, ka shpërndarë në Facebook një fotografi nga Brukseli, ku shihet flamuri kuq e zi në oborrin e selisë së Bashkimit Evropian, përcjell albinfo.ch.

E për këtë Rama ka thënë se ndihet krenar.

“MIRËMËNGJES me krenari për flamurin e Skënderbeut dhe Ismail Qemalit në oborrin e Europës”, ka shkruar ai.

Republika e Shqipërisë dhe Maqedonia e Veriut dje kanë hapur zyrtarisht negociatat për anëtarësim në Bashkimin Evropian.