Rama: BE nuk ka shtuar kushte për Shqipërinë, po përballemi ende me krim e korrupsion

Vendimi i BE-së që të shtyhen negociatat për vitin 2019, është cilësuar sukses nga Kryeministri i Shqipërisë Edi Rama.

Keystone

Kryeministri Edi Rama e ka quajtur sukses vendimin e ministrave të Jashtëm të Bashkimit Evropian që Shqipërisë t’i hapen negociatat në qershor të vitit 2019.

Në një konferencë për media Rama tha se BE nuk ka shtuar “Nuk ka kushte të reja, por ka një datë drejt të cilat Shqipëriqa dhe Maqedonia janë të kushtëzuara me vijimin e reformave”.

Po ashtu kryeministri Rama ka thënë se akuzat e opozitës se negociatat u shtynë për faj të qeverisë nuk janë të vërteta ndërsa pranoi se Shqipëria përballet me korrupsion dhe krim, shkruan Albinfo.ch.

Sipas Ramës fajin për shtyrjen e datës së hapjes së negociatave e ka opozita në Shqipëri.

“Miqt tanë ndërkombëtarë na pyesin se si ka mundësi që opozita jonë e do me kaq pasion mosçeljen e negociatave? Si ka mundësi që e bën këtë që nuk e ka bërë asnjë opozitë e vendeve të tjera? Ka mundësi, sepse kjo është mundësia e vetme për këtë opozitë. Tamam si mallkimi që na ka ndjekur rrugë më rrugë”, tha Rama.