Bota
Qyteti i njohur evropian do të ndalojë tërësisht duhanin
Ky propozim konsiderohet si një nga më të ashprit në botë sa i përket duhanit
Nuk është vetëm çështje ndotjeje mjedisore, por edhe mbi të gjitha, shëndeti. Ideja e Beppe Sala, kryebashkiak i Milanos, që dëshiron një qytet që ndalon absolutisht duhanin, është nga ato idetë që sjell diskutime.
I pari i Milanos ka në plan një kalendar fiks.
“Deri në vitin 2030 nuk do të lejojmë më që të konsumohet duhan në ambiente të hapura. Dhe, menjëherë, do të jetë e ndaluar konsumi i tij në stacionet e autobusit ose në radhët e shërbimeve publike”, shprehet ai.
Ky propozim konsiderohet si një nga më të ashprit në botë sa i përket duhanit. Pikërisht 17 vjet më parë, në 16 janar të vitit 2003, Parlamenti italian ka miratuar ligjin antiduhan që ndaloi duhanin në ambientet e mbyllura, transmeton Scan.
Ideja e kryebashkiakut të Milanos ngjason me atë të ndërmarrë në Suedi së fundmi, përcjell albinfo.ch.
Nga korriku i vitit 2019, në qytetin skandinav ndalohen konsumi i duhanit në disa ambiente të hapura, si për shembull, stacionet e autobusit, ato hekurudhore, parqet e lojërave apo në tarracat e bareve e restoranteve.
Ky duket se është një trend botëror për faktin se shumë vende të tjera po përgatiten ta aplikojnë atë.
Në Paris, në 52 parqe publike nuk lejohet duhani dhe për shkelësit ka një gjobë 38 euro. Në Nju-Jork, prej vitesh ndalohet konsumi në të gjitha parqet publike. Në Barcelonë, e në të gjithë Katalunjën, po aprovohet një ligj që ndalon duhanin në shumë vende publike, edhe në ato të hapura.
Në Kosta Rikë, pas një anarkie të plotë, ka hyrë në fuqi një ligj që ndalon tymosjen në vendet e punës, në zyrat publike, baret, restorantet, ndalesat e autobusit e në ndalesat e taksive.
E-Diaspora
-
Presidentja Osmani: Regjistrohuni, mërgimtarë! Presidentja e Kosovës, Vjosa Osmani, ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë