Lajme

Qytetari që bëri peticionin për njohjen e Kosovës nga Netflix: U kam telefonuar çdo natë

Një peticion online bëri që Kosova të hyjë në këtë listë. Ishte qytetari, Sovran Hoti, i cili e mori iniciativën, për të cilin thotë se nuk ishte vështirë të realizohej

Kur qytetarët e Kosovës hynin në Netflix, vendndodhja e tyre dukej sikur të ishin në Serbi, edhe pse ata e përdornin këtë platformë nga Republika e Kosovës.

Por, më 28 prill, Netflix vendosi që ta njoh Kosovën, duke e shtuar kështu edhe prefix-in e saj në listën e vendeve me linjën e tyre telefonike.

Netflix është kompani amerikane.

Një peticion online bëri që Kosova të hyjë në këtë listë. Ishte qytetari, Sovran Hoti, i cili e mori iniciativën, për të cilin thotë se nuk ishte vështirë të realizohet.

“Mbështetja ka qenë e madhe dhe masive dhe njerëzit përgjithësisht menjëherë janë kyçur dhe më kanë mbështetur në këtë iniciativë”, tregon ai.

Hoti, i cili tha se ka filluar punën para dy muajsh, tregon se sa shpesh ka komiunikuar në telefon me përfaqësuesit e Netflix.

“I kam thirrur për çdo natë dhe ju kam shpjeguar çështjen time dhe këtë iniciativë”, tregon ai.

“Kur kam folur herën e fundit me njërin nga agjentet e tyre te sektorit ndihmues, më patën thënë se kjo do të bëhet por vetëm nuk dihet se kur”, është shprehur Hoti për Albanian Post, përcjell Albinfo.ch.

Kështu më 28 prill, Netflix pranoi Kosovën si shtet.

Kosova shpalli Pavarësinë më 17 shkurt të vitit 2008. Propaganda nga Serbia për të minuar Kosovën në arenën ndërkombëtare vazhdon edhe në botën virtuale.

 


LAJME INTERESANTE NGA INTERNETI