Lajme
Qeveria zvicerane kërkon që Swisscoy të qëndrojë në Kosovë edhe për tre vjet
Kjo masë shpjegohet me situatën e paqëndrueshme në terren dhe rritjen e rreziqeve të sigurisë të shkaktuara nga lufta në Ukrainë
Këshilli Federal dëshiron të zgjasë misionin Swisscoy në Kosovë për tre vjet, deri në fund të vitit 2026, transmeton albinfo.ch. Të mërkurën, qeveria e vendi ia ka kaluar parlamentut për aprovim, kërkesën përkatëse.
Qeveria e shtetit dëshiron gjithashtu të drejtën për të rritur kontigjentin zviceran në forcën shumëkombëshe të KFOR-it të NATO-s me një maksimum prej 30 trupa gjatë mandatit, thuhet në kumtesën e qeverisë.
Situata në Kosovë aktualisht është stabile, por ende e karakterizuar me luhatshmëri, ka arsyetuar kërkesën e vet, Këshilli Federal. NATO dëshiron të vazhdojë misionin e KFOR-it për sa kohë që marrëdhëniet ndërmjet Serbisë dhe Kosovës nuk janë normalizuar.
Rreziqe të reja nga lufta në Ukrainë
Këshilli Federal ka argumentuar tutje se lufta në Ukrainë përbën gjithashtu rreziqe në rritje të sigurisë në vendet e Ballkanit Perëndimor. Misioni i ndërtimit të paqes mbetet i domosdoshëm dhe i shërben stabilitetit të të gjithë rajonit. Zvicra ka interes të drejtpërdrejtë për paqen në Kosovë.
Qeveria e shtetit iu referua edhe konsideratave për forcimin e bashkëpunimit me NATO-n. Ajo gjithashtu arsyetoi nevojën për më shumë liri veprimi për sa i përket madhësisë së kontigjentit me situatën e ndryshuar të sigurisë në Evropë: vendet anëtare të NATO-s mund të ndjehen të detyruara të rrisin angazhimin e tyre në Evropën Lindore dhe ta zvogëlojnë atë në Kosovë, shkruan sda.ch. Prandaj, Zvicra mund të jetë në gjendje të përfshihet më shumë në misionin e KFOR-it.
“Marrja e përgjegjësisë”
Në këtë mënyrë, Zvicra po dëshmon se po merr pjesën e saj të përgjegjësisë, thuhet në komunikatë, transmeton albinfo.ch. Ajo po e bën këtë “në një kohë kur NATO është e angazhuar për të adresuar sfidat që lidhen me agresionin ushtarak të Rusisë kundër Ukrainës”.
Swisscoy aktualisht ka një maksimum prej 195 pjesëtarësh të ushtrisë. Parlamenti duhet të miratojë operacionin sepse ai zgjat më shumë se tre javë dhe përfshin më shumë se 100 truoa të ushtrisë. Mandati aktual skadon në fund të vitit 2023.
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?