Qeveria italiane kërkon njësi krize për ndarjen e barrës së migrantëve.

Italia ende po mundohet të gjejë zgjidhje në lidhje me migrantët

EPA/VASSIL DONEV

Qeveria italiane ka propozuar që Bashkimi Europian të ngre një njësi krize për të koordinuar ndarjen e barrës së migrantëve që vijnë nga deti mes shteteve të ndryshme të BE-së.

Mediat italiane kanë raportuar se kryeministri italian, Giuseppe Conte, ka thënë se kjo ide atij i kishte ardhur pasi iu desh të bindte personalisht vende të tjera të BE-së që të pranojnë kuotat e migrantëve.

“Çfarë ndodhi të dielën duhet të bëhet normë, të mos varet më nga ne që të telefonojmë partnerët tanë, por të menaxhohet nga një kabinet krize apo komitet nën mbikëqyrjen e Komisionit Europian”, tha ai për gazetën “Il Fatto”, pëcjell Albinfo.ch.

Gjatë ditëve të diel dhe të hënë, Conte bindi Francën, Maltën, Gjermaninë, Spanjën, Portugalinë dhe Irlandën që të marrin disa prej 450 migrantëve të shpëtuar në ishullin italian Linosa.