Lajme
Qëndresa Hoxha-Sadriu, me mesazh kundër reklamave të duhanit për fëmijët
Qëndresa Hoxha-Sadriu, deputete nga PS në Parlamentin e Kantonit të Cyrihut dhe asambliste në komunën Opfikon paraqitet me mesazh
Nisma federale “Po për mbrojtjen e fëmijëve dhe të rinjve nga reklamimi i duhanit”, e cila do të votohet më 13 shkurt, synon të ndalojë reklamat për produktet e duhanit që mund të jenë të arritshme për fëmijët.
Fushata rreth kësaj iniciative tashmë ka filluar përmes aktiviteteve të ndryshme sensibilizuese, shkruan albinfo.ch.
“Reklamimi i duhanit është një veprim që funksionon: Hulumtimet tregojnë qartë se fëmijët dhe adoleshentët fillojnë të pinë duhan sa më shumë që bien në kontakt me reklamat e duhanit. Si shoqëri, ne kemi detyrimin t’i mbrojmë atanga tregtimi i produkteve të dëmshme të duhanit. Produktet e duhanit nuk mund t’u shiten të miturve në të ardhmen. Kjo është arsyeja pse reklamat e duhanit nuk duhet të arrijnë tek ata dhe të zgjojnë kureshtjen e tyre. Një veprim i tillë është standard praktikisht në të gjitha vendet evropiane. Kjo është arsyeja pse një koalicion jashtëzakonisht i gjerë mbështet nismën: i gjithë komuniteti i mjekëve, të gjitha organizatat kryesore shëndetësore dhe shoqatat ombrellë të organizatave sportive dhe rinore si dhe stafi mësimor dhe shumë organizata të tjera.
Në fushatën për sensibilizimin me këtë iniciativë janë inkuadruar shumë personalitete politike e të tjera, me ndikim në shoqërinë zvicerane, të cilët kanë publikuar mesazhet e tyre përkatëse.
Në mesin e tyre është edhe Qëndresa Hoxha-Sadriu, deputete nga PS në Parlamentin e Kantonit të Cyrihut dhe asambliste në komunën Opfikon, shkruan albinfo.ch.
Në vazhdim, mesazhi i saj: “Mbrojtja e fëmijëve dhe të rinjve është përgjegjësia jonë. Studimet e fundit tregojnë se reklamimi i duhanit është një faktor përse fëmijët dhe adoleshentët e fillojnë duhanin herët. Kjo nuk duhet të ndodhë!”.
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Si të mos ‘përplaseni’ nga një tren austriak i mbipopulluar? Trenat austriakë kanë qenë tepër të mbushur me njerëz përpara sezonit të festave, madje edhe njerëzit...
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?