Lajme
Putini angazhoi spiunë për ta bërë Trumpin president
Tri agjenci spiunimi ishin urdhëruar të gjenin mënyrat e duhura praktike për të përkrahur Trumpin, në një dekret që ka nënshkrimin e Putinit
Presidenti i Rusisë, Vladimir Putin, personalisht ka autorizuar një operacion sekret të agjencisë së spiunimit për të përkrahur Donald Trumpin në zgjedhjet presidenciale të 2016-s në Shtetet e Bashkuara të Amerikës, kanë treguar dokumentet e rrjedha nga Kremlini nga një takim i mbyllur i Këshillit të Sigurisë Kombëtare në Rusi.
Takimi kyç u mbajt më 22 janar 2016, sipas dokumenteve, raporton “The Guardian”. Aty presidenti rus ishte takuar me shefin e spiunazhit dhe ministrat e lartë.
Ata u pajtuan që Trumpi në Shtëpinë e Bardhë do t’i ndihmonte objektivave strategjike të Moskës, në mesin e tyre edhe “trazirës sociale në SHBA” dhe dobësimit të pozicionit negociues të presidentit të Amerikës.
Tri agjenci spiunimi ishin urdhëruar të gjenin mënyrat e duhura praktike për të përkrahur Trumpin, në një dekret që ka nënshkrimin e Putinit.
Në atë kohë, Trumpi ishte lideri në garën brenda Partisë Republikane. Raporti i nxjerrë nga departamenti i ekspertëve të Putinit rekomandoi se Moska do të përdorë “të gjitha forcat” për t’ia siguruar Trumpit fitoren.
Agjencitë perëndimore të inteligjencës mësohet se kanë qenë në dijeni të disa dokumenteve për disa muaj dhe me kujdes i kanë ekzaminuar. Dokumentet, që janë parë nga “Guardiani”, duket se prezantojnë një rrjedhje serioze dhe e pazakontë brenda Kremlinit.
Dokumentet i janë shfaqur ekspertëve të pavarur që kanë thënë se ato janë origjinale.
Në anën tjetër, Kremlini ka mohuar raportimet. Zëdhënësi i Putinit, Dmitri Peskov, ka thënë se ideja që liderët rusë janë takuar dhe janë marrë vesh për ta përkrahur Trumpin është një “trillim i mrekullueshëm”.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani