Lajme
Punonjësja e Coop-it jep dorëheqjen pasi i ndalohet bartja e shamisë
"Në Coop më thanë: ose shko në punë ose mbaj shaminë”, thotë zviceranja, nënë e tre fëmijëve. Ajo akuzon punëdhënësin e saj për diskriminim
Sipas rregulloreve të veshjeve që vlejnë në Coop, mbulimi i kokës është i ndaluar për stafin që bie në kontakt me klientët. Asnjë përjashtim nuk bëhet nga kjo, siç ka zbuluar tani një punonjëse e vjetër e kësaj kompanie, transmeton albinfo.ch. Gruaja e cila punonte pjesërisht në kontakt me klientët, në arkë, ndihet e diskriminuar dhe ka dhënë dorëheqjen.
“Në Coop më thanë: ose shko në punë ose mbaj shaminë”, thotë zviceranja në “20 minuten”. Ajo akuzon punëdhënësin e saj për diskriminim: “Coop-i lavdërohet se promovon gjithëpërfshirjen dhe integrimin. Por ndalimi i shamisë dëshmon të kundërtën”.
Kompanitë tjera të shitjes me pakicë, si Aldi dhe Lidl nuk ndalojnë bartjen e shamisë. Në Lidl, për shembull, edhe burrat lejohen të mbajnë çallma. Në Migros, rregulloret ndryshojnë nga rajoni në rajon: në Cyrih, mbajtja e shamisë u lejohet grave edhe kur janë në kontakt me klientët, përcjell albinfo.ch. Por kjo nuk lejohet në Bazel, Zvicrën lindore, Aargau, Bernë dhe Solothurn.
Coop ka konfirmuar incidentin për gazetën, por ka hedhur poshtë akuzën: nëse punonjëset do të këmbëngulin të mbajnë shaminë në punë, ata do të kërkojnë një zgjidhje së bashku, për shembull, do t`u ofrohet një vend pune ku rregullat e veshjeve lejojnë shamitë – për shembull në administratë, prodhim ose logjistikë.
Megjithatë, në rastin e nënës së tre fëmijëve, kjo me sa duket nuk funksionoi. Ajo thotë: “E theksova se do të doja të qëndroja në Coop, por nuk kishte zgjidhje të përshtatshme”. Prandaj, ajo u largua.
Ndalimi i shamisë gjatë punës është ligjërisht i lejueshëm
Kompania Denner gjithashtu e ndalon stafin e shitjeve të mbajë shami në punë. Duke qenë punëdhënës privat, as Denneri dhe as Coopi nuk shkelin lirinë fetare në këtë mënyrë, shkruan avokatja specialiste për ligjin e punës Dayana Berényi Kamm në “20 minuten”.
Ndalimi i shamisë mund të lejohet gjithashtu nëse mbajtja e shamisë ka një efekt dukshëm negativ në kontaktet me klientët, transmeton albinfo.ch. Megjithatë, punëdhënësit mund të ndodhë që të shkelin të drejtat personale të punonjësve në raste individuale.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?