Lajme
Pse pagat zvicerane janë kaq të larta?
Punonjësit në Zvicër kanë paga neto më të larta se sa ata në të gjitha shtetet e Evropës. Por pse pikërisht ata fitojnë më shumë?
Zvicra ka përjetuar norma më të larta imigrimi kohët e fundit. Arsyeja kryesore për këtë prirje rritëse është kërkesa e lartë e tregut të punës, së bashku me pagat që janë dukshëm më të larta se sa këta punonjës do të mund të fitonin në vendet e tyre, transmeton albinfo.ch.
Statistikat ndërkombëtare tregojnë se në vitin 2023, një pagë mesatare mujore në Zvicër është 6,990 USD (6,321 franga në muaj), përpara Luksemburgut në vendin e dytë dhe Danimarkës në vendin e tretë.
Edhe më e rëndësishme është se të ardhurat neto të disponueshme janë gjithashtu më të lartat në Zvicër, sepse norma tatimore e vendit është më e ulët se kudo tjetër.
Në fakt, të dhëna të tjera tregojnë se punonjësit në tetë qytete zvicerane (Zug, Cyrih, Bazel, Bernë, Gjenevë, Lozanë, Lugano dhe Lucern) kanë më shumë të ardhura të disponueshme sesa punëtorët që jetojnë në qytete të tjera evropiane.
Ekonomi e fortë
Ekonomia e Zvicrës është më e forta, më e qëndrueshme në Evropë dhe më inovative gjithashtu në nivel global.
Në përgjithësi, kur ekonomia është e fortë dhe e lulëzuar, punëdhënësit mund të përballojnë të paguajnë paga më të larta për të nxitur fuqinë punëtore për të mbajtur lart produktivitetin dhe nivelin e përfitimit të kompanive.
Kërkesa e lartë për punëtorë të kualifikuar
Zvicra ka pasur mungesë së fuqisë punëtore, e cila tani ka arritur “nivelin e saj më të lartë”, sipas një raporti nga Universiteti i St.
Punëdhënësit e etur për të plotësuar pozitat vakante do t’u ofrojnë punëtorëve paga të larta, së bashku me përfitime të tjera gjithashtu.
Kjo shtrihet edhe për udhëtarët ndërkufitarë, pagat e të cilëve në Zvicër janë dyfishi apo edhe trefishi i atyre që do të fitonin në vendet e tyre.
A kompensojnë këto paga koston e lartë të jetesës?
Përgjigjja për këtë pyetje varet, logjikisht, nga sa e lartë janë pagat tuaja kundrejt kostove tuaja fikse (qira/hipotekë, primet e sigurimit shëndetësor, ushqimi, transporti, veshmbathja, taksat, etj.), si dhe nga zakonet tuaja të përgjithshme të shpenzimeve për “jo- gjërat thelbësore” të tilla si argëtimi, restorantet, udhëtimet dhe aktivitetet e kohës së lirë në përgjithësi.
Gjithashtu, pavarësisht çmimeve të përgjithshme më të larta, familjet në Zvicër po lënë mënjanë më shumë para në fund të çdo muaji sesa homologët e tyre evropianë, tregon një studim nga platforma konsumatore HelloSafe.
Familjet zvicerane po kursejnë gati 22 për qind të të ardhurave të tyre, ndërsa Bashkimi Evropian regjistroi një normë mesatare kursimi prej 10.3 për qind – domethënë 11.6 pikë nën normën mesatare zvicerane
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?