Pse kanë rënë shitjet e Apple?

Për tremujorin e tretë, Apple gjeneroi 62.9 miliardë dollarë të ardhura dhe 2.91 të ardhura për aksion, duke thyer projeksionet. Apple shiti 46.9 milionë iPhone në tremujorin e tretë, poshtë projeksioneve

Gjiganti i teknologjisë, Apple, paralajmëroi se shitjet për sezonin e pushimeve pritet të bien poshtë projeksioneve, për shkak të dobësisë në tregjet në zhvillim dhe kostove të këmbimit valutor.

Projeksionet zhgënjyese sollën rënien e aksioneve me 7%,  duke i hequr 70 miliardë dollarë nga vlera e tregut dhe e çuar poshtë 1 trilionë dollarëve vlerën totale. Apple deklaroi se pret të ardhura në 89-93 miliardë dollarë në tremujorin e fundit të vitit.

Kreu ekzekutiv Tim Cook tha se priten dobësi makroekonomike në disa tregje në zhvillim, përfshirë Brazilin, Indinë, Rusinë dhe Turqinë. Ekzekutivët bënë të ditur se nuk do të publikojnë më të dhënat për shitjet e iPhone,  iPads dhe kompjuterat Mac, transmeton ‘Scan’.

Shitjet e iPhone kanë qenë treguesi kryesor i suksesit për tremujor. Duke mos publikuar atë numër, do të jetë e pamundur që të llogaritet çmimi mesatar i shitjes për telefon, përcjell albinfo.ch.

Apple bëri të ditur se do të nisë të publikojë të dhëna për kostot e shitjes për biznesin e shërbimeve, një tregues i rëndësishëm për aktivitetin e nënshkrimeve, por investitorët reaguan negativisht.

Për tremujorin e tretë, Apple gjeneroi 62.9 miliardë dollarë të ardhura dhe 2.91 të ardhura për aksion, duke thyer projeksionet. Apple shiti 46.9 milionë iPhone në tremujorin e tretë, poshtë projeksioneve.

Megjithatë, çmimi mesatar i iPhone qëndroi në 794 dollarë, sipër vlerësimeve. Tim Cook tha se efektet negative nga kursi i këmbimit do të arrijnë në 2 miliardë dollarë.

Megjithatë, ai shtoi se është i kënaqur me performancën në Kinë, ku të ardhurat u rritën me 16% në 11.4 miliardë dollarë. Të ardhurat nga shërbimet, që përfshijnë iCloud, App Store dhe Apple Music, arritën në 10 miliardë dollarë.

---