Propozohen ndryshime të politikës së migracionit në Gjermani

pixabay

Së fundmi, qeveria gjermane ka miratuar tri projektligje shumë të rëndësishme, me të cilat do të ndryshojnë rregullat për marrjen e shtetësisë gjermane, do të kufizohet numri i migrantëve që mund të vijnë në Gjermani dhe do të ndalohet bashkimi familjar për disa kategori, për dy vjet, përcjell albinfo.ch.
Ndryshimet për bashkime familjare nuk i prekin punëtorët e zakonshëm, por vetëm refugjatët dhe azilkërkuesit e refuzuar.
Dyshtetësia nuk preket, por hiqet mundësia e marrjes së shpejtë të shtetësisë gjermane dhe kufizohet numri i migrantëve që mund të vijnë brenda vitit.
Referuar statistikave, në vitin e kaluar në Gjermani rreth 200 000 të huaj kanë marrë shtetësinë gjermane, që është rekord në 25 vitet e fundit.