Zhvillim
Projekti i ish-diplomatit zviceran për romët në Kosovë
Në hotelin e hapur dhe drejtuar nga Andreas Wormser dy menaxherët janë romë ndërsa stafi përbëhet nga shqiptarët, serbët e romët
Ish-diplomati zviceran, Andreas Wormser, ka një hotel shumë interesant në Kosovë. Në hotelin e hapur dhe drejtuar nga ai, dy menaxherët janë romë ndërsa stafi përbëhet nga shqiptarët, serbët e romët, shkruan ‘deutschlandradiokultur.de’.
Ai ishte i zhgënjyer që ndihmat zvicerane shkojnë e depërtojnë në strukturat e zyrtarët e korruptuar, derisa popullsia është gjithnjë e më e varfër, sidomos romët. Ata jetojnë në mes serbëve dhe shqiptarëve dhe janë buzë një shoqëria të shkatërruar, ku shumë prej tyre po largohen, madje edhe në Zvicër, përcjell albinfo.ch.
“Tragjedia e romëve është e ndryshme nga ajo e paraluftës. Ata ishin më të mirë të integruar se në shumicën e vendeve tjera të Evropës Lindore, por pas luftës kanë ikur rreth 130 mijë, sepse u akuzuan se kanë bashkëpunuar me serbët”, thotë Wormser.
Ai ka dy shokë romë, që janë shembull, pasi kanë talent dhe ambicie. Ata e kanë shoqëruar për vite si përkthyes. Tani ai i ka bërë ata menaxherë në hotelin që ka ngritur në afërsi të Prishtinës.
“Ideja e hotelit është që të sigurojë edhe një model për romët të cilët kanë talentin e duhur se duke punuar e mësuar, mund të arrini shumë”. Hiseni dhe Ado janë bashkëpunëtorët e tij, kurse në hotel ka të punësuar edhe shqiptarë, serbë, boshnjakë e shumë romë.
Hoteli do të ishte i veçantë edhe për ekspozim të veprave artizanale e bizhuteri, diçka jo e zakonshme për një hotel. Ato vijnë nga lagjet e varfra rome, ku punohen kundrejt një pagese.
“Në ‘Facebook’, ne gjithmonë marrim komente të turpshme për atë çfarë bëjmë. Gjithashtu ka edhe shumë komente nga mysafirët dhe nuk është një punë e lehtë”, shprehet Wormeser. Por ai para vetes ka një mision të qartë, që t’i bashkojë komunitetet në Kosovë dhe t’iu japë më shumë rëndësi romëve.
Hoteli i tij quhet ‘Graçanica’. Atë e ka ndërtuar me një shok shqiptar dhe një serb.
Të tjera nga Zhvillim
E-Diaspora
-
Paris
Paris: Sukses i madh i filmit “Tashko & Koço” Filmi :”Tashko & Koço një love story shqiptar”...
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte