Kosova
Produktet e kompanive kosovare promovohen në Paris
10 kompani nga Kosova prezantojnë pijet e tyre në Paris
Në Paris të Francës më 15 tetor është hapur panairi më i madh ndërkombëtar i industrisë ushqimore dhe të pijeve “SIAL 2022”, ku me mbështetjen e Ministrisë së Industrisë, Ndërmarrësisë dhe Tregtisë, përkatësisht Agjencisë për Investime dhe Përkrahjen e Ndërmarrjeve në Kosovë (KIESA), po marrin pjesë dhjetë kompani nga Kosova, shkruan albinfo.ch.
EuroFruti, Agro Florentina, Camel, Abi & Elif, Egi Group, Frutex LLC, New Co Minex LLC, Frutti, Pestova dhe Joni, po promovojnë në këtë panair produktet e tyre nga industria e përpunimit të produkteve bujqësore, industria e pemëve dhe perimeve, produkte konditorike, fruta të imta e të ngrira industriale, pije energjike, lëngje frutash etj.
Pjesëmarrja në “SIAL 2022” po shfrytëzohet nga kompanitë kosovare dhe nga përfaqësuesit e MINT/KIESA-s që të zhvillojnë kontakte me kompanitë pjesëmarrëse dhe me blerës potencialë, me synim të krijimit të kontakteve dhe rritjes së bashkëpunimit në të ardhmen.
Në këtë panair MINT/KIESA ka siguruar një hapësirë ekspozuese në 84 m2, e cila ndodhet në korridorin kryesor, respektivisht në sallën 3, shtandi nr. A 116.
Në panairin “SIAL 2022” parashihet të marrin pjesë 7,800 ekspozues nga më shumë se 119 vende të ndryshme të botës.
Panairi është i hapur deri më 19 tetor 2022.
Ndërkohë, në Paris, më 18 tetor 2022 do të mbahet edhe Sesion informues: “Mjedisi i biznesit dhe klima e investimeve në Kosovë”, i cili është organizuar nga MINT/KIESA.
Në këtë sesion informues bizneset nga diaspora do të njoftohen mbi mjedisin e biznesit dhe klimën e investimeve në Kosovë nga përfaqësues të KIESA-s, Administratës Tatimore, si dhe Doganës së Kosovës.
Në kuadër të sesionit janë paraparë takime B2B, ku kompanitë kosovare pjesëmarrëse në panairin “SIAL 2022” të sektorit të ushqimit dhe pijeve do të kenë rastin të takohen me kompanitë e diasporës për të shikuar mundësitë për krijimin e bashkëpunimeve në të ardhmen.
Mbështetur në të dhënat e Bankës Qendrore të Kosovës, IHD-të nga Franca gjatë vitit 2021, konkretisht nga muaji janar deri korrik kanë qenë 4.7 milionë euro, kurse nga janari deri korrik të vitit 2022 vlera e investimeve është 5.7 milionë euro- pra, ka një ngritje për 21.3%. Ndërkaq, eksporti i mallrave të Kosovës në Francë gjatë vitit 2021, konkretisht nga muaji janar deri gusht ishte 6.6 milionë euro, kurse nga janari e deri në gusht të vitit 2022 është 9.3 milionë euro- që po ashtu ka një ngritje për 40.9%.
Të tjera nga Kosova
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë