Pret 15 orë në telefon për biletë!

“Dëshiroja vetëm të mësoj se çfarë do të thotë në të vërtetë ajo: `sa më shpejtë që të jetë e mundur`që e thonë sekretareshat automatike

Të gjithë e kemi dëgjuar me qindra herë kur në anën tjetër të telefonit “sekretaresha” na ka lutur që “të kemi durim se së shpejti do të vijmë në radhë porsa personeli të jetë i lirë”. Sigurisht, shpesh nuk kemi pasur durim dhe e kemi lëshuar dëgjuesen.

Por kështu nuk ka bërë një biznesmen australian. Ai ka treguar durim dhe qëndrueshmëri heroike në përballje me sekretaren matanë telefonit, e cila në vazhdimësi po e luste të kishte durim… Dhe këtë durim australiani Andrew Kahn e kishte pasur me bollëk: plot 15 orë thotë të ketë pritur pa e shkëputur linjën në kontaktin telefonik me kompaninë e fluturimeve Qantas, për të bërë vërtetimin e biletës së tij për në Nju Jork. Këtë kohë ai, natyrisht, e kishte shfrytëzuar edhe për aktivitete tjera, si shikim në internet dhe lexim të një libri të tërë prej 200 faqesh.

“Dëshiroja vetëm të zbuloj se çfarë do të thotë në të vërtetë ajo: `sa më shpejtë që të jetë e mundur`që e thonë sekretareshat automatike nëpër kompani të ndryshme”, ka thënë Kahn për shtypin australian. Por, kur kaluan plot 15 orë, edhe durimit titanik të Kahnit i erdhi fundi. Kishte pritur me telefon të hapur nga ora 19.22 e të mërkurës deri në orën 11.01 të të enjtes dhe akoma nuk i ishte përgjigjur askush në telefon.

Kompania Qantasn nuk ka dashur të komentojë rastin konkret por vetëm ka deklaruar se “pritjet më të gjata deri më tash kanë qenë 17 minuta”.