Presidentja e Kosovës, Justina Shiroka Pula, ka shprehur ngushëllime për familjet e viktimave pas vrasjes së rëndë që ndodhi në Livoç të Ulët të Gjilanit, ku një grua dhe një burrë humbën jetën, ndërsa një person tjetër u plagos nga të shtënat me armë zjarri.
Përmes një reagimi, presidentja shprehu ngushëllimet e saj për familjet e viktimave dhe i uroi shërim të shpejtë të plagosurit.
“Asnjë rrethanë nuk mund ta justifikojë marrjen e jetës së njeriut. Askush nuk ka të drejtë t’i ekspozojë gratë ndaj rrezikut, dhunës apo vuajtjes”, thuhet në reagim.
Presidentja Shiroka Pula u bëri thirrje organeve të drejtësisë që ta hetojnë rastin me përkushtim, të zbardhin të gjitha rrethanat dhe përgjegjësit t’i sjellin para drejtësisë.
