Presidenti i Shqipërisë: Rrugëtimi i gjuhës shqipe moderne, edhe në diasporë

Presidenti Bajram Begaj mbajti fjalim përshëndetës në Konferencën Jubilare në 50-vjetorin e Kongresit të Drejtshkrimit

Dje, më 10 nëntor, është mbajtur konferenca jubilare në 50-vjetorin e Kongresit të Drejtshkrimit, me personalitete të rëndësishme të Shqipërisë, njofton albinfo.ch.

Gjatë konferencës, Presidenit i Shqipërisë, Bajram Begaj, mbajti një fjalim lidhur me Kongresin e Drejtshkrimit në 1972-shin.

Ky Kongres mbetet një prej atyre zhvillimeve në të cilën aspekti kombëtar fitoi mbi atë ideologjik, një zhvillim i rëndësishëm për rrugëtimin e gjuhës shqipe moderne dhe unifikimin e saj në Shqipëri, Kosovë, Maqedoni e Veriut, Mal të Zi e diasporë”, duke shtuar se “firmëtarëve të këtij kongresi u takon mirënjohje historike.”

Presidenti u ndal tek rëndësia e standardizimit të gjuhës në forcimin e identitetit të përbashkët gjuhësor e kombëtar, dhe sfidat që vijnë përgjatë këtij procesi. “Nga pikëpamja demografike, ne shqiptarët nuk e kemi luksin të tregohemi të pavëmendshëm në nxitjen e varianteve, që zhvillohen në mënyrë të pavarur, a me numër më të tkurrur folësish. Por, nuk kemi as përse të pranojmë ngurtësimin e shqipes. Ngurtësimi nuk e ndihmon zhvillimin dhe jetëgjatësinë e saj”, theksoi Presidenti.

---