Presidenti i Kosovës njeh të drejtën për t’u interesuar për Luginën

Keystone (AP Photo/Visar Kryeziu)

Presidenti i Kosovës, Hashim Thaçi, në fjalën e tij në Samitin e dytë të Diasporës që po mbahet në Tiranë, ka thënë se nuk do të ketë  shkëmbim territoresh, pasi ai është pazar. 

“Kushdo që kërkon shkëmbim territoresh, do të duhet të kalojë mbi trupin tim”, ka thënë Presidenti. 

Por, ai ka shtuar se askush nuk e ndalon atë të interesohem për të drejtat e shqiptarëve të Luginës së Preshevës për t’u bashkuar në territorin e Kosovës. Ai po ashtu ka thënë se organizimi i ndonjë konference me Rusinë, dhe ideja e Unionit Ballkanik kurrë nuk do të ndodhin, përcjell albinfo.ch.

Ai ka thënë se të gjithë kanë qenë për pak kohë në diasporë, por ja që kanë vendosur të kthehen për të drejtuar vendin.