Politikani britanik: “Shefat në Bruksel urrejnë Zvicrën”

Nigel Farage, politikani kontrovers britanik, i njohur si kundërshtar i BE-së, me tiradat e veta kundër Brukselit i ka dalë "në mbrojtje" edhe Zvicrës.

“Zvicra nuk bën të tiranizohet nga Unioni Evropian”, ka thënë kryetari i Partisë britanike të Pavarësisë, për të cilin “Zvicra është një dëshmi se si mund t`i ketë punët fare mirë një vend që është jashtë BE-së”. Por, kjo gjendje, sipas tij nuk po i konvenon Brukselit. “Bosët në Bruksel urrejnë Zvicrën. Ata duan që t`a zhdukin atë.”, ka thënë Farage në një intervistë për “SonntagsBlick”. Ndërsa vetë atij i pëlqen shumë mënyra e si zviceranet kane injoruar politikanët e BE-së.

Farage ka thënë më tej se për Zvicrën nuk ka arsye për shqetësim. “BE-në e presin dhjetë vite të mjerimit. Ajo do të luftojë për mbijetesë, kështu që ashpërsia ndaj Zvicrës nuk do të ketë më prioritet për të”, thotë politikani britanik.

Qëndrimi kritik ndaj Be-së, kohëve të fundit nuk është më vetëm specialitet i politikanit Farage në Britani. Edhe kryeministri britanik, Cameron ka paralajmëruar hapa për dalje nga BE-ja.