Policia jep detaje për dy të rinjtë që humbën jetën në autostradë

G.G. dhe A.B  janë të rinjtë që humbën jetën në orët e para të mëngjesit në autostradën “Ibrahim Rugova”.

Dyshohet se ata po tentonin të kapërcenin nga njëra trase në tjetrën, (gjerësia mes të cilave është tre metra), kur kanë rënë nga një lartësi prej 25 metrash, raporton Klan Kosova.

Fillimisht i pari nga ura dyshohet të ketë rënë G.G., kurse në përpjekje për t’i dalë në ndihmë kolegut në të njëjtin vend kishte pësuar edhe A.A.

Sipas informacioneve, siç duket nuk e kanë ditur se aty është një hendek, apo një urë dhe në momentin që ata kanë provuar t’i kalojnë pengesat nga një trase në tjetrën, atëherë kanë rënë në humnerë”, njofton Policia.