evente
Poezitë e Bardhec Berishës, përmbyllin aktivitetin kulturor në Emmenbrücke
Më 7 prill, që është dita e përmbylljes së projektit të madh, një orë letrare është rezervuar vetëm për krijuesin e njohur nga Lucerni, Bardhec Berisha
Më 1 mars në Emmenbrücke (Luzern) ka filluar një aktivitet shumëplanësh artistik, me ekspozita artesh pamore, poezi, debate rreth librave etj. Projekti mban titullin “Gjuha kujton të ardhmen”, dhe ai merret lidhjen në mes të veprave të artit, gjuhës, kujtimeve dhe ndërtimit të një të ardhmeje të përbashkët, shkruan albinfo.ch.
Artistët bashkëkohorë e trajtojnë gjuhën në mënyra të ndryshme, nga përpunimi i saj artistik e deri te konsiderimi i saj si një teknikë kulturore dhe praktikë shoqërore. Ekspozita prezanton edhe vepra nga koleksioni i artit i Komunës Emmen dhe “Biblioteka e dëshirave”, në pronësi të Romy Rüegger, e cila përmes një platforme shkëmbimi ofron libra të përzgjedhur.
Më 7 prill, që është dita e përmbylljes (finnisage) së këtij projekti të madh që zgjat më shumë se një muaj, një orë letrare është rezervuar vetëm për krijuesin dhe përkthyesin tonë të njohur nga Lucerni, Bardhec Berisha, përcjell albinfo.ch. Ai, me këtë rast do të lexojë disa poezi në gjuhën shqipe dhe gjermane nga përmbledhjet e tij. Po kështu Berisha do të jetë pjesë e një diskutimi me të pranishmit, në lidhje me temën e projektit dhe me poezitë e tij.
Bardhec Berisha njihet si krijues letrar, përkthyes dhe veprimtar i komunitetit shqiptar të Zvicrës. Përveç disa përmbledhjeve me poezi – të përkthyera edhe në gjuhën gjermane -, ai ka bërë (në bashkautorësi) edhe përkthimin e Kodit të Lekë Dukagjinit në gjuhën gjermane, që është botuar disa vite më parë në Zvicër.
Ora letrare mbahet në:
Akku
Gerliswilstrasse
6020 Emmenbrücke
Ora: 15.00
Info rreth ngjarjes
- Data e fillimit01 Mars 2024
- Ora15:00
- LokacioniEmmen (LU)
- Data e përfundimit7 Prill 2024 - 16:00
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?