Pjesë e orës së mësimit për nxënësit shqiptarë në Romë u bë edhe Çiftelia

Çiftelia, zëri i kulturës shqiptare për fëmijët në diasporë

Pa dyshim se sot ishte një ditë e veçantë për fëmijët e shkollës shqipe në Romë, sepse për herë të parë ata arritën të dëgjojnë nga afër tingujt e çiftelisë, transmeton albinfo.ch.

Instrumenti muzikor me dy tela e traditës shekullore nga Shqipëria e Kosova u bë pjesë e orës së mësimit për nxënësit shqiptarë nga mësuesi Ndoc Ndoj, me origjinë nga Puka, i cili bashkë me pasionin e tij për çiftelinë, ruan traditën shqiptare në Romë duke e kultivuar tek nxënësit.

Bashkë me këtë, nxënësit mësuan edhe për historinë dhe shpirtin e çiftelisë, instrumentit që mbart kujtime, histori dhe krenari të kulturës sonë. /Albinfo.ch

https://www.facebook.com/share/18kLgXp5tw/?mibextid=wwXIfr

---