Petrit Krasniqi, drejtues i ri i investimeve në Fondin e Sigurimeve të mësuesve të Bernës

Ai do të marrë pozicionin e tij të ri më 1 qershor 2026, në BLVK, duke pasuar Theodor Tillmann, i cili po del në pension pas më shumë se 27 vitesh me BLVK

BLVK (Fondi i Sigurimeve të Mësuesve të Bernës) ka emëruar Petrit Krasniqin si Drejtuesin e saj të ri të Investimeve dhe anëtar të Bordit Ekzekutiv të zgjeruar. Ai ka qenë me BLVK si menaxher portofoli që nga gushti i vitit 2023 dhe ka luajtur një rol kyç në formësimin e departamentit të investimeve në vitet e fundit, thuhet në një komunikatë për media të dërguar nga BVLK.

“Petrit Krasniqi do të marrë pozicionin e tij të ri më 1 qershor 2026, duke pasuar Theodor Tillmann, i cili po del në pension pas më shumë se 27 vitesh me BLVK.

Falënderojmë Theodor Tillmann për shumë vitet e tij të shërbimit të përkushtuar dhe kontributet e vlefshme në Bordin Ekzekutiv. Angazhimi, ekspertiza dhe vizioni i tij kanë formësuar ndjeshëm departamentin e investimeve të BLVK. I urojmë Petrit Krasniqit çdo sukses dhe kënaqësi në rolin e tij të ri”, thuhet në fund të komunikatës, transmeton albinfo.ch.

Krasniqi është drejtuesi më i ri i investimeve kapitale që fondet e pensioneve kanë pasur ndonjëherë dhe është me siguri shqiptari i parë në këtë rol.

---