Paralajmërohen modele të telefonave që palosen

Celularët e palosshëm do të jenë një produkt i kërkuar për vitet e ardhshme, për shkak të vështirësive të prodhimit të ekraneve, që me shumë gjasa, do të jenë më të delikatë, ashtu edhe nga çmimi i lartë.

Brenda vitit 2023, rreth 30 milionë njësi do të shiten në mbarë botën, shkruan atsh, përcjell albinfo.ch.

Analistët parashikojnë se kjo shifër përbën 5% të numrit të përgjithshëm të celularëve me parametra të lartë.

Për momentin, janë paraqitur modelet e prodhuesve Samsung Galaxy, Fold si dhe Huawei’s Mate X, por sipas burimeve, edhe kompanitë Google dhe Xiaomi po punojnë për një telefon të palosshëm.

Sipas ekspertëve, në vitin 2019 shpërndarjet e përgjithshme të kompjuterëve, telefonave të mençur dhe tabletave do të arrijnë 2,21 miliardë njësi, një rënie të lehtë (12,5 milionë njësi më pak) krahasuar me 2018.