Kosova
Për çka marrin kredi më së shumti kosovarët?
Gjatë ditës së djeshme, Insituti GAP në Kosovë, ka prezentuar raportin “Mbrojtja e konsumatorëve në sektorin bankar”, shkruan albinfo.ch.
Në kuadër të këtij raporti, GAP ka nxjerrë edhe të dhëna se për cilat lloje të kredive i marrin më së shpeshti kosovarët. Rreth 64 për qind e të anketuarve kishin deklaruar se kanë marrë kredi. Kreditë personale, për blerjen dhe renovimin e shtëpisë, dalin të jenë arsyet më të shpeshta.
Bazuar nga ky raport, këto janë llojet e kredive të marra nga shtetasit e Kosovës:
Kredi konsumuese/personale 53%
Kredi për blerjen e shtëpisë 17%
Kredi për blerjen e automobilit 6%
Kredi për renovim të shtëpisë 26%
Kredi për udhëtim 1%
Kredi për blerjen e lokalit 1%
Kredi për renovimin e lokalit 1%
Kredi për hapjen e biznesit 2%
Kredi për zgjerimin e biznesit 6%
Tjetër 3%
Gjithmonë, duke iu referuar raportit, 64% e atyre që kanë marrë kredi nuk besojnë se banka e tyre ofron norma më të ulëta të interesit, rreth 20% besojnë se po dhe pjesa e mbetur deklarojnë se nuk e dinë nëse banka e tyre ofron norma më të ulëta të interesit në krahasim me bankat tjera, përcjell albinfo.ch.
Të dhënat po ashtu kanë vënë në pah se një pjesë e klientëve nuk e lexojnë kontratën e kredisë para se ta nënshkruajnë. Rezultatet e anketës thonë se rreth 23 për qind nuk e lexojnë, rreth 35 për qind e lexojnë pjesërisht, kurse rreth 40 për qind e lexojnë në tërësi.
Sa janë të kënaqur klientët me shërbimet bankare?
Të anketuarve po ashtu i është kërkuar të bëjnë vlerësim të bankës ku marrin shërbime, bazuar në përvojat e tyre personale. 38.9 për qind e kanë vlerësuar si “deri diku e drejtë”, 27.4 për qind kanë deklaruar “jo edhe aq e drejtë”, 18.5 për qind si “aspak e drejtë” dhe 15.2 për qind si “shumë e drejtë”.
Ndërkaq, arsyeja kryesore që i shtynë ata për të zgjedhur një bankë të caktuar për kredi, është norma e ulët e interesit, pasuar nga arsye të tjera si shpejtësia e marrjes së kredisë, numri i vogël i dokumenteve të kërkuara, etj.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?