Pas vrasjes së bashkatdhetarit, shqiptari mbahet në paraburgim

Sipas prokurorisë publike të Siegen, i akuzuari dhe i vrarë janë shtetas shqiptarë.

Një 49-vjeçar ka vdekur nga një plagë me thikë që kishte marrë tre ditë më parë, në Siegen (Nordrhein Westfallen, Gjermani). Një i dyshuar për varsjen është në paraburgim, transmeton albinfo.ch. Të dy personat njiheshin me njëri-tjetrin.

51-vjeçari po hetohet me dyshimin për vrasje, tha një zëdhënëse e policisë në Hagen, shkruan dpa.de. Sipas prokurorisë publike të Siegen, i akuzuari dhe i vrarë janë shtetas shqiptarë.

49-vjeçari vdiq të premten – sipas autopsisë, si pasojë e plagëve të shumta me thikë. Fillimisht u arrestuan dy meshkuj të tjerë të moshës 27 dhe 30 vjeç, por dyshimet ndaj tyre nuk u konfirmuan.

---