Lajme
Pas arrestimit të deputetes, plasin protestat e dhunshme në Prishtinë
Deri më tani raportohet për katër policë të lënduar dhe 15 protestues të arrestuar. Gjendja tani është më e qetë
Arrestimi i deputetes opozitare, Donika Kadaj-Bujupi dhe ndjekja e tre deputetëve tjerë opozitarë Albin Kurti, Albulena Haxhiu dhe Faton Topalli nga forcat e rendit, kanë nxitur protestat të dhunshme në qendër të Prishtinës. Deri më tani raportohet për katër policë të lënduar dhe 15 protestues të arrestuar.
Dhuna ndërmjet protestuesve opozitar që gjatë gjithë kohës gjuanin me gurë në drejtim të Policisë dhe kundërpërgjigja e forcave të rendit me gaz lotsjellës, krijoi një kaos të vërtetë nëpër rrugët e kryeqytetit. Ndërsa ndezja e kontejnerëve, hedhja në rrugë e gurëve dhe gjuajtja me koktej molotovi përbënin një pamje të frikshme në Prishtinë.
Protestuesit po kërkojnë lirimin e menjëhershëm të deputetes Kadja-Bujupi e cila po akuzohet nga Prokuroria për ndezjen e gazit lotsjellës brenda sallës së Kuvendit të Kosovës. Sipas opozitarëve, deputetja ka imunitet, ndërsa reflektimi i saj në Kuvend është kryesisht politik.
Ndërsa Policia e Kosovës nëpërmjet një komunikate për media njofton se “me 17.11.2015, nga Gjykata Themelore në Prishtinë ka pranuar katër fletëarreste, për katër deputetë: Albin Kurti, Albulena Haxhiu, Donika Kadaj-Bujupi dhe Faton Topalli. Policia e Kosovës bazuar në mandatin ligjor që ka është e obliguar në zbatimin e fletëarresteve”, thuhet në njoftim.
Protestuesit gjatë gjithë kohës janë drejtuar nga liderët opozitarë, Visar Ymeri i Lëvizjes Vetëvendosje, Ramush Haradinaj nga AAK dhe Fatmir Limaj nga partia Nisma për Kosovë. Ndërsa në mesditë në mesine protestuesve, që nuk ishin më shumë se disa qindra, u pa edhe ish lideri i Vetëvendosjes dhe i kërkuari nga Gjykata, Albin Kurti. Por, Policia ka dështuar ta arrestojë.
Sektari Lëvizjes Vetëvendosje, Dardan Molliqaj, ndërkaq ka thënë se nuk do të ndalen protestat derisa të lirohet deputetja Donika Kada-Bujupi. Ai ka thënë se Policia edhe mund ti arrestoj të gjithëve. “S’ka normalitet në asnjë orë të ditës deri sa të lirohet deputetja. Ose kanë do të na arrestojnë të gjithëve ose do të na lirojnë të gjithëve”, ka deklaruar ai.
E-Diaspora
-
Xhaka e Gjimshiti, në ekipin më të mirë të Ligës së Evropës Futbollistët shqiptarë, Berat Gjimshiti e Granit Xhaka, kanë zënë vend në ekipin më të mirë të...
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
Jeta në Austri
-
Çfarë duhet të dini për kontratat kolektive nëse punoni në Austri? Nëse punoni në Austri – ose po kërkoni punë këtu – me siguri do të keni...
-
Çfarë ndryshon në Austri nga muaji qershor?
-
Avdijaj, më i miri i xhiros së fundit në Austri
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë