Kosova
Parada në Prishtinë, “Në emër të lirisë”
Kryeministri i Kosovës, Ramush Haradinaj ka ofruar mbështetje institucionale për organizimin e kësaj parade
Me moton “Në emër të lirisë”, pjesëtarët e komunitetit LGBT (homoseksual, lesbike, biseksual dhe transgjinor), po mbajnë Paradën e Krenarisë në Prishtinë. Kjo është hera e dytë që ky komunitet po mban një paradë të tillë.
Masa është tubuar në sheshin “Skënderbeu” dhe më pas ka vazhduar drejt sheshit “Zahir Pajaziti”. Pas marshit nëpër qendrën e Prishtinës, përfaqësuesi i komunitetit LGBT, Lend Mustafa, tha se janë bashkuar për të kërkuar lirinë.
“Sot në emër të lirisë i ftojmë institucionet shtetërore që të mos na e mohojnë identitetin, të ofrojnë mundësi të barabarta dhe t’i përmbushin përgjegjësitë e tyre për të drejtat e njeriut dhe të shkojmë drejt një shoqërie diverse”, tha para masës së mbledhur Lend Mustafa, raporton “Evropa e Lirë”.
“Sot kërkojmë liri për personat që nuk kanë mundësi të lirohen nga presioni familjar dhe shoqëror, liri për të qenë vetja, për jetuar një jetë të përmbushur me dashuri e sukses”, tha Mustafa, përcjell albinfo.ch.
Ai falënderoi edhe aktivistët e LGBT-së nga rajoni që ndihmuan në këtë organizim. Po ashtu, një falënderim të veçantë kishte edhe për Policinë e Kosovës, duke thënë se ishte tërë kohën në vendin e duhur për mbrojtjen e pjesëtarëve të LGBT-së.
Krahas organizatorëve nga ky komunitet, në paradë po marrin pjesë edhe ministrja e Integrimit Evropian, Dhurata Hoxha, Përfaqësuesja e Bashkimit Evropian, Natalyia Apostolova, kryetari i Prishtinës, Shpend Ahmeti dhe personalitete nga shoqëria civile.
Kryeministri i Kosovës, Ramush Haradinaj, ka ofruar mbështetje institucionale për organizimin e kësaj parade.
“Orientimi seksual është përcaktim individual në secilën shoqëri dhe si i tillë duhet respektuar. Është fat i madh që duke qenë shtet i ri, ne kemi Kushtetutën që siguron liri individuale për të gjithë”, ka shkruar Haradinaj në Facebook.
“LGBTI dhe Java e Krenarisë do ta kenë mbështetjen institucionale, për të qenë të lirë dhe sigurt në shfaqjen e përcaktimit të tyre”, ka shkruar kryeministri i Kosovës.
Para dhe gjatë kohës së mbajtjes së kësaj parade, nëpër sheshet e Prishtinës janë vërejtur forca të shtuara të Policisë së Kosovës.
Gjatë javës së fundit janë zhvilluar disa aktiviteti, ky pjesëtarët e LGBT-së kanë potencuar se po ndihen të diskriminuar dhe të kërcënuar në vazhdimësi.
Përfaqësuesit e tyre kanë thënë se një numër i këtij komuniteti po e lëshon Kosovës, pikërisht për shkak të mungesës së sigurisë.
Për herë të parë, Parada e Krenarisë në Prishtinë është mbajtur vitin e kaluar, ku të pranishëm ishin edhe aktivistë të shoqërisë civile si dhe politikanë të Kosovës.
Të ngjashme
Të tjera nga Kosova
E-Diaspora
-
Bizneset nga diaspora vizitojnë shtëpinë e Kosovës Pa dyshim se “Shtëpia e Kosovës” është një nga komponitë më në zë, si nga ana...
-
Shqiptari diplomon në Columbian University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?