Kosova

Paracetamoli P 500 nuk është i regjistruar në Kosovë

E enjte, 11 Janar 2018 - 13:25 albinfo.ch

Ministria e Shëndetësisë njofton se produkti medicinal Paracetamol P 500, i prodhuesit “Apex”, i cili po thuhet se është produkt vdekjeprurës, nuk është i regjistruar në Kosovë, përcjell albinfo.ch.

“Ministria e Shëndetësisë, pas informatave të siguruara nga Agjensioni Kosovar për Pajisje dhe Produkte Mjekësore, njofton opinionin se produkti në fjalë nuk është i regjistruar.

Inspektorët e Inspektoratit Farmaceutik janë duke kryer inspektime të rregullta në tregun farmaceutik kosovar, me qëllim të evitimit të qarkullimit eventual të çfarëdo produkti, i cili nuk ka autorizim, marketing dhe të drejtë qarkullimi në tregun kosovar”, thuhet në sqarimin e kësaj Ministrie.