Para gjyqit, shqiptari me nofkën “Tmerri i Hochdorfit”

Gjithsej 15 vepra penale sipas padisë, i kan kryer Ambrozi së bashku me katër kolegë të tij

„Tmerri i Hochdorfit”, e quajnë shqiptarin 22 vjeçar nga Kosova me qëndrim në fshatin Hochdorf të Lucernit, Ambroz B. Ai qe bërë i njohur për një numër deliktesh si plaçkitje shitoresh, terrorizim gjegjësisht rrahjet të banorëve, vjedhje të stolive, të parave etj.

Gjithsej 15 vepra penale sipas padisë, i kan kryer Ambrozi së bashku me katër kolegë të tij.

Ai është paraqitur sot para Gjykatës  në Lucern, ku do të përgjigjet për veprat si plaçkitje të shumëfishtë, shkaktim dëmesh materiale, prishje të qetësisë, konsum droge etj. Ndër viktimat e tij ka pasur pensionistë, gra plaka dhe djem të rinj.

Ai është burgosur disa herë, sërish është liruar dhe sërish ka kryer delikte të reja.

Në seancën e parë të zhvilluar sot, Ambrozi të gjitha fajet ua ngarkoi të tjerëve: Ndikimi i keq i shoqërisë, alkooli dhe droga e kishin sjellë atë në gjendjen ku ndodhet sot.Prokuroria ka kërkuar 2 vjet e gjysmë burg për të ndërsa mbrojtja, 20 muaj.

Ndërkaq, disa qytetarë, të pyetur nga mediet zvicerane, thonë se nuk pajtohen me një dënim të tij, sado i gjatë që të jetë ai. Ata thonë se Ambroz B. duhet të dëbohet nga Zvicra

Vendimi gjyqësor për Ambroz B., do të merret në ditët e ardhshme.