Lajme

Pandemia në Zvicër, shkalla e riprodhimit bie nën 1

E martë, 8 Shkurt 2022 - 11:40 albinfo.ch

pixabay

Një nga metrikat që përdorin ekspertët e shëndetësisë për të përcaktuar nëse situata epidemiologjike po përmirësohet apo po përkeqësohet është shkalla e riprodhimit (“R”), njofton albinfo.ch.

Ky numër tregon se sa shpejt përhapet virusi në popullatë: nëse kalon 1, do të thotë se numri i rasteve vazhdon të rritet. Por, nëse bie nën 1, është një shenjë që virusi nuk transmetohet aq shpejt.

Tani për tani, dhe për herë të parë në disa javë, norma R e Zvicrës ra në 0,92. Për krahasim, në fillim të pandemisë në shkurt 2020, shkalla ishte në nivelin më të lartë – 4.5, sipas Zyrës Federale të Shëndetit Publik (BAG).