Pak ditë para nisjes së Eurovision, SBB do të vë në funksion 85 trena shtesë

Bazel: 13 deri më 17 maj pritet spektakël

Bazeli do të presë konkursin më të madh të këngëve në Evropë, Eurovisionin, pas fitores së artistit zviceran Nemo në edicionin e vitit të kaluar, përcjell albinfo.ch.

Konkursi, për të cilin autoritetet lokale po ndajnë 35 milionë franga pasi ky buxhet u miratua në një referendum lokal, do të zhvillohet në St. Jakobshalle në lagjen Munchenstein në periferi të Bazelit.

Organizatorët e këtij konkursi në Zvicër premtojnë spektakël të vertetë të paparë ndonjëherë.

Kompania kombëtare hekurudhore e Zvicrës (SBB) do të vërë në funksion 85 trena shtesë për të transportuar spektatorët e ESC për në dhe nga Bazeli për koncertet.

---