Kosova
Osmani pret në takim kryediplomatin nga Maqedonia e Veriut
Sot, presidentja e Republikës së Kosovës, Vjosa Osmani, ka pritur në takim ministrin e Punëve të Jashtme të Maqedonisë së Veriut, Bujar Osmani, transmeton albinfo.ch.
Gjatë takimit, Osmani tha se Kosova dhe Maqedonia e Veriut kanë bashkëpunim të jashtëzakonshëm. Ai po ashtu theksoi se ka shprehur kënaqësinë që gjatë këtij viti pjesëtarë të armatës së Maqedonisë të jenë pjesë e KFOR-it në Kosovë.
“Sot biseduam për shumë çështje konkrete, në kuadër të bashkëpunimit bilateral, ishte fokusi edhe në temat ekonomike, mundësitë edhe për lidhje infrastrukutore, jo vetëm në atë rrugore, por edhe në atë energjetike e kështu me radhë. Maqedonia e Veriut dhe Kosova kanë bashkëpunim, këmbim të jashtëzakonshëm tregtar dhe dinamik dhe kjo natyrisht se duhet të mbështet me infrastrukturë të përshtatshme. Shpreha kënaqësinë time që nga ky vit edhe pjesëtarë të armatës së Republikës së Maqedonisë të Veriut të jenë pjesë KFOR-it këtu, që është një kontribut i drejtpërdrejtë në stabilitetin, por edhe në perspektivën euroatlantike të vendit”, tha Osmani.
Po ashtu, Osmani tha se Maqedonia është e gatshme që të vendosë në dispozicion të Kosovës të gjitha njohuritë në integrimin e saj në BE.
“Ambicja e jonë është që integrimi i plotë i gjashtë vendeve të Ballkanit Perëndimor në Bashkimin Evropian dhe në këtë drejtim si vend negociues me BE-në, por me një eksperiencë të gjatë në këtë drejtim, jemi të gatshëm t’i vendosim në dispozcion të Republikës së Kosovës të gjitha njohuritë dhe përvojat tona të deritanishme”, u shpreh Osmani gjatë konferencës për media.
Ai po ashtu bëri të ditur se mbështesin dialogun e Kosovës me Serbinë dhe vlerëson se qëllimi i final i këtij dialogu të jetë njohja e ndërsjellë.
“Republika e Maqedonisë së Veriut mvbështet përpjekjet për të mbyllur çështjet e hapura në rajon, mbështet dialogun e Republikës së Kosovës dhe Serbisë dhe vlerëson se qëllimi final i këtij dialogu duhet të jetë njohja e ndërsjellë ndërmjet të dyja shteteve dhe rrugëtimi më tutje evropian i të gjithë rajonit”, deklaroi ministri i Jashtëm i Maqedonisë, Bujar Osmani.
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta