Optimizmi i të rinjve në Zvicër, pavarësisht nga kriza ekonomike

Të rinjtë të moshës 16-25 vjeçare parashikojnë të ardhmen me optimizëm, pavarësisht krizës ekonomike, sipas barometrit 2012 të rinisë Credit Suisse. Ata e shohin realizimin e ëndrrave të tyre si qëllimin kryesor në jetë.

Barometri i rinisë Credit Suisse është publikuar të martën. Ai është e bazuar në një anketë të institutit kërkimor gfs.bern dhë përfshin 1000 zivceranë, të moshës 16 deri në 25 vjeç, si dhe disa të rinj në Brazil dhe në Shtetet e Bashkuara.

Optimizmi dhe ëndrrat

Sipas këtij barometri, 66% e të anketuarve në Zvicër janë optimistë për të ardhmen e tyre (73% në Brazil dhe 56% në SHBA). Realizimi i ëndrrave është qëllimi kryesor në jetën e 86% të të rinjve në Zvicër (79% në SHBA). Në Brazil karriera vjen e para me 81% e të anketuarve.

Më se 51% e të rinjve në Zvicër thonë se kanë punën e ëndrrave të tyre (42% në Brazil dhe 32% në SHBA) dhe 46% duan të kenë një ditë më shumë të holla (64% në Brazil dhe 61% në SHBA).

Vetëm 3% e të anketuarve zviceranë thonë se kanë borxhe private (42% SHBA dhe 28% në Brazil). Pak më shumë se një e treta e të anketuarve (34%) janë të angazhuar në politikë (44% në Brazil dhe 48% në SHBA).

Në lidhje me politikën 30% e të anketuarve në Zvicër kanë përshtypjen se politikanët shpesh dështojnë për çështje kritike. Kjo pikëpamje ndahet nga 51% e të anketuarve në Shtetet e Bashkuara dhe 57% në Brazil.

Gazetat e lira janë burimi i preferuar i informacionit për të rinjtë zviceranë (77%). Mediat elektronike (interneti, televizioni dhe mediat sociale) janë gjithashtu burimi kryesor i informatave për të rinjtë në Shtetet e Bashkuara (70%) dhe Brazil (60%).

Politika

Në lidhje me politikën, 30% e të anketuarve në Zvicër kanë përshtypjen se politikanët shpesh dështojnë në çështje kritike. Kjo pikëpamje ndahet nga 51% e të anketuarve në Shtetet e Bashkuara dhe 57% në Brazil.