O’Connell: 20 vjet pas luftës, kemi shans të reflektojmë

Ambasadori britanik në Kosovë, Ruairi O’ Connell, ka thënë se të gjithë duhet të kujdesemi për të gjithë ata që janë prekur nga lufta në Kosovë.

Madje ambasadori O’ Connell, me anë të disa videove të publikuara në faqen zyrtare të tij në Facebook, ka thënë: “Ndërhyrja në Kosovë ishte për njerëzit, përfundimisht për njerëzit”.

Më poshtë e sjellim gjithë deklaratën e ambasadorit O’Connell:

“20 vjet pas luftës, ne kemi një shans për të reflektuar mbi të kaluarën dhe për të ardhmen që ne mund të ndihmojmë për të ndërtuar.

NATO veproi në vitin 1999 për të ndalur katastrofën mbi njerëzimin në Kosovë. NATO-ja veproi për të parandaluar shkeljet e mëtejshme dhe të vazhdueshme të të drejtave të njeriut dhe vrasjen e civilëve. Në vitet që kaluam, KFOR-i ka siguruar një mjedis të sigurt në Kosovë, ku të gjithë qytetarët e saj mund të përparojnë.

Ndërsa e shënojmë këtë përvjetor, zgjedh të mendoj për të gjithë ata që preken nga lufta. Brengosem për të gjitha viktimat; të vrarët, ata të plagosur, ata të dëbuar detyrimisht nga shtëpitë e tyre, ata që vuajtën dhunë të tmerrshme, duke përfshirë përdorimin e dhunës seksuale si një armë lufte. Mendoj në veçanti mbi 1000 fëmijë të vrarë, madje edhe pas 12 qershorit 1999. Mendoj për ata paqeruajtës, në KFOR dhe UNMIK, të cilët vdiqën në shërbim të paqes në Kosovë.